Një 25 vjeçar, i dënuar më parë për shfrytëzim prostitucioni, është arrestuar këtë të shtunë në Tiranë, i kapur në flagrancë duke shitur kokainë.
Në kuadër të finalizimit me sukses të operacionit të koduar ”Fresku”, është vënë në pranga Emra Dashi, 25 vjeç, banues në Tiranë, i dënuar më parë për veprën penale “Shfrytëzim Prostitucioni”.
Sipas policisë, në bazë të informacioneve të siguruara në rrugë operative ka rezultuar se i riu kryente shitje të lëndëve narkotike të llojit “kokainë” në doza të vogla personave të ndryshëm në zonat e Freskut, Xhamllikut dhe Porcelanit.
25 vjeçari, në momentin e ndalimit nga shërbimet e Policisë në rrugën e “Dibrës” pranë një lokali, gjatë kontrollit fizik dhe në banesë i janë gjetur dhe sekuestruar në cilësinë e provës materiale rreth 70 doza kokainë.
Materialet proceduriale i kaluan Prokurorisë pranë Gjykatës së Shkallës së Parë Tiranë, për veprime të metejshme hetimore për veprën penale të “Prodhimit dhe shitjes së lëndëve narkotike”.
